ଅନୁଷ୍ଠାନ ବିକାଶ
- ଏହା ଏକ ସମଜାତୀୟ ଗୋଷ୍ଠୀ ଯାହାକି ସମାନ ସାମାଜିକ-ଅର୍ଥନୈତିକ ପୃଷ୍ଠଭୂମି ଥିବା ଗୋଟିଏ ଗାଁ ର ବସ ବାସ କରୁଥିବା ୧୦-୨୦ ସଦସ୍ୟାଙ୍କୁ ନେଇ ଗଠିତ ।
- ସ୍ୱତନ୍ତ୍ର ସ୍ୱୟଂ ସହାୟକ ଗୋଷ୍ଠୀ ଯଥା କଷ୍ଟକର(ଅପହଞ୍ଚ) ଅଞ୍ଚଳରେ ଥିବା ଗୋଷ୍ଠୀ, ଭିର୍ନକ୍ଷମ ବ୍ୟକ୍ତିମାନଙ୍କ ସହିତ ଗୋଷ୍ଠୀ ଏବଂ ଦୂରବର୍ତ୍ତୀ ଆଦିବାସୀ ଅଞ୍ଚଳରେ ଗଠିତ ଗୋଷ୍ଠୀ କ୍ଷେତ୍ରରେ, ଏହି ସଂଖ୍ୟା ସର୍ବନିମ୍ନ ୫ ଜଣ ହୋଇପାରେ।
- କେବଳ ଭିର୍ନକ୍ଷମ ବ୍ୟକ୍ତିମାନଙ୍କୁ ନେଇ ଗଠିତ ଗୋଷ୍ଠୀଗୁଡ଼ିକ ପାଇଁ, ଏବଂ ବୟସ୍କ, ଟ୍ରାନ୍ସଜେଣ୍ଡର ଭଳି ଅନ୍ୟାନ୍ୟ ବିଶେଷ ବର୍ଗ ପାଇଁ, DAY-NRLM ସ୍ୱୟଂ ସହାୟକ ଗୋଷ୍ଠୀରେ ସଦସ୍ୟଙ୍କ ମଧ୍ୟରେ ଉଭୟ ପୁରୁଷ ଏବଂ ମହିଳା ରହିପାରିବେ।
- ସ୍ୱୟଂ ସହାୟକ ଗୋଷ୍ଠୀରୁ ଦୁଇଜଣ ସଦସ୍ୟାଙ୍କୁ ପଦାଧିକାରୀ ଭାବରେ ମନୋନୀତ କରାଯାଏ, ଯେଉଁମାନେ ସଭାପତି ଏବଂ ସମ୍ପାଦିକା ଭୂମିକା ନିର୍ବାହ କରିବେ।
- ସ୍ୱୟଂ ସହାୟକ ଗୋଷ୍ଠୀ (SHG) ମୁଖ୍ୟତଃ ସଞ୍ଚୟ ଏବଂ ଋଣ କାର୍ଯ୍ୟରେ ଜଡିତ।
- ସ୍ୱୟଂ ସହାୟକ ଗୋଷ୍ଠୀ ଗୁଡିକ ବ୍ୟାଙ୍କ ଦ୍ଵାରା ନିର୍ଧାରିତ କିଛି ଯୋଗ୍ୟତା ମାନଦଣ୍ଡ ପୂରଣ କଲେ ବ୍ୟାଙ୍କରୁ ବିନା ବନ୍ଧକରେ ଋଣ ପାଇପାରିବେ।
-
କ୍ଲଷ୍ଟର ସ୍ତରୀୟ ଫୋରମ/ଆଞ୍ଚଳିକ ମଞ୍ଚ (CLF)
ଆଞ୍ଚଳିକ ମଞ୍ଚ ରାଜସ୍ୱ ଗ୍ରାମ ସ୍ତରରେ ଗଠନ କରାଯାଇଥାଏ।
- ସଂପୃକ୍ତ ରାଜସ୍ୱ ଗ୍ରାମର ସମସ୍ତ ସ୍ୱୟଂ ସହାୟକ ଗୋଷ୍ଠୀ (SHG) ଏହି ଆଞ୍ଚଳିକ ମଞ୍ଚ ସଦସ୍ୟ ଅଟନ୍ତି।
- କାର୍ଯ୍ୟ ନିର୍ବାହୀ ସମିତି ମଧ୍ୟରୁ ପାଞ୍ଚଜଣଙ୍କୁ ପଦାଧିକାରୀ ଭାବେ ଚୟନ କରାଯାଇଥାଏ।
- ଆଞ୍ଚଳିକ ମଞ୍ଚ ମାଧ୍ୟମରେ ତା ଅଧୀନରେ ଥିବା SHGଗୁଡ଼ିକର କାର୍ଯ୍ୟକଳାପର ତଦାରଖ, ମୂଲ୍ୟାଙ୍କନ ଓ ସୁଦୃଢ଼ୀକରଣ କରାଯାଇଥାଏ। ଏହା ମାଧ୍ୟମରେ SHGଗୁଡ଼ିକର ସଞ୍ଚୟ, ଋଣ ପରିଚାଳନା, ରେକର୍ଡ ରକ୍ଷଣାବେକ୍ଷଣ ଓ ଅନ୍ୟାନ୍ୟ ସାଂଗଠନିକ କାର୍ଯ୍ୟର ନିୟମିତ ସମୀକ୍ଷା କରାଯାଏ।
- CLFର ପ୍ରତିନିଧିମାନେ SHGଗୁଡ଼ିକର କାର୍ଯ୍ୟଦକ୍ଷତା ଓ ଆର୍ଥିକ ଶୃଙ୍ଖଳାର ମୂଲ୍ୟାଙ୍କନ କରିବା ସହିତ, ଯୋଗ୍ୟ SHGଗୁଡ଼ିକୁ ଆବର୍ତ୍ତନ ପାଣ୍ଠି ଓ ଅନ୍ୟାନ୍ୟ ଆର୍ଥିକ ସହାୟତା ପାଇବା ପାଇଁ ଆବଶ୍ୟକ ସହଯୋଗ ପ୍ରଦାନ କରିଥାନ୍ତି।
- ଏହା ସହିତ, CLF ମହିଳାମାନଙ୍କ ନେତୃତ୍ୱର ବିକାଶ, ଆର୍ଥିକ ଅନ୍ତର୍ଭୁକ୍ତୀକରଣ, ଜୀବିକା ବିକାଶ ଓ ସାମାଜିକ ସଶକ୍ତୀକରଣ ଦିଗରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ।
-
ଗ୍ରାମ ପଞ୍ଚାୟତ (GP) ସ୍ତରରେ ଗ୍ରାମ ପଞ୍ଚାୟତସ୍ତରୀୟ ସଂଘ (GPLF) ଗଠନ କରାଯାଇଥାଏ।
- ସଂପୃକ୍ତ ଗ୍ରାମ ପଞ୍ଚାୟତ ଅନ୍ତର୍ଗତ ସମସ୍ତ ଆଞ୍ଚଳିକ ମଞ୍ଚ (CLF) ଏହି GPLFର ସଦସ୍ୟ ଅଟନ୍ତି।
- ଗ୍ରାମ ପଞ୍ଚାୟତସ୍ତରୀୟ ସଂଘ (GPLF) ସ୍ୱୟଂ ସହାୟକ ଗୋଷ୍ଠୀଗୁଡ଼ିକର ଗଠନ, ସୁଦୃଢ଼ୀକରଣ, ଆର୍ଥିକ ଅନ୍ତର୍ଭୁକ୍ତୀକରଣ ଓ ଜୀବିକା ବିକାଶ ଦିଗରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରେ।
- GPLF ଅଧୀନସ୍ଥ SHG ଓ CLF ଗୁଡ଼ିକର କାର୍ଯ୍ୟକଳାପର ସମନ୍ୱୟ, ତଦାରଖ ଓ ମୂଲ୍ୟାଙ୍କନ କରିବା ସହିତ ସେମାନଙ୍କର ସାଂଗଠନିକ ଦକ୍ଷତା, ଆର୍ଥିକ ପରିଚାଳନା ଓ ଶାସନ ବ୍ୟବସ୍ଥାକୁ ସୁଦୃଢ଼ କରିଥାଏ।
- ଏହା ସହିତ, GPLF ମହିଳାମାନଙ୍କ ନେତୃତ୍ୱର ବିକାଶ, ସାମୂହିକ ନିଷ୍ପତ୍ତି ଗ୍ରହଣ, ସ୍ୱଚ୍ଛତା ଓ ଉତ୍ତରଦାୟିତ୍ୱ ସୁନିଶ୍ଚିତ କରିବା ସହିତ ସଂଗଠନଗୁଡ଼ିକୁ ଆର୍ଥିକ ଭାବେ ସ୍ୱାବଲମ୍ବୀ କରିବା ଦିଗରେ କାର୍ଯ୍ୟ କରେ।
ସମୁଦାୟ ସହାୟତା କର୍ମଚାରୀ (CSS) :
ଏହି ପ୍ରତିଷ୍ଠାନଗୁଡ଼ିକୁ ସୁଦୃଢ଼ କରିବା ପାଇଁ, CLF ଏବଂ GPLF ସ୍ତରରେ ଗୋଷ୍ଠୀ ସହାୟତା କର୍ମଚାରୀ ନିୟୋଜିତ ହୋଇଛନ୍ତି । ମିଶନ ଅଧୀନରେ କାର୍ଯ୍ୟ କରୁଥିବା ମୂଳ ଗୋଷ୍ଠୀ ସହାୟକ କର୍ମଚାରୀ ମାଙ୍କର ତାଲିକା ନିମ୍ନରେ ପ୍ରଦାନ କରାଯାଉଅଛି । -
ଗୋଷ୍ଠୀ ସହାୟିକା - (CRP-CM):
ଗୋଷ୍ଠୀ ସହାୟିକା - (CRP-CM):
ଗୋଟିଏ କ୍ଲଷ୍ଟରରେ (ଗୋଟିଏ / ଦୁଇଟି ଗ୍ରାମ) ୫ ରୁ ୧୫ ଟି SHG କୁ ମାର୍ଗ ଦର୍ଶନକରିବେ ଏବଂ ଗୋଟିଏ ଆଞ୍ଚଳିକ ମଞ୍ଚ (CLF) କୁ ରିପୋର୍ଟ କରିବେ। CRP-CM SHG ଏବଂ CLF ର ସଦସ୍ୟ ମାନଙ୍କର ଦକ୍ଷତା ବିକାଶ, ତୃଣାମୂଳ ସ୍ତରରେ ମାର୍ଗ ଦର୍ଶନ ଓ ସେହି ଗୋଷ୍ଠୀ ଗୁଡିକର ହିସାବ- କିତାବ ରଖିବା ଆଦି କରିଥାନ୍ତି ।
ପ୍ରାଧାନ ହିସାବ ରକ୍ଷକ ( Master Book Keeper)
ପ୍ରାଧାନ ହିସାବ ରକ୍ଷକ ( Master Book Keeper)
ଜଣେ MBK, ଗୋଟିଏ GPLF ପ୍ରତି ଉତ୍ତରଦାୟୀ ରହିବେ। ସେ ନିୟମିତ ଭାବରେ GPLFର ଆକାଉଣ୍ଟ ବହି ଲେଖିବେ ଏବଂ ଅପଡେଟ୍ କରିବେ।
ବ୍ୟାଙ୍କ ମିତ୍ର
ବ୍ୟାଙ୍କ ମିତ୍ର
ଜଣେ ବ୍ୟାଙ୍କ ମିତ୍ର ବ୍ୟାଙ୍କ ସେବା କ୍ଷେତ୍ର ଶାଖା ଅଧୀନରେ ଆସୁଥିବା ଗୋଟିଏ କିମ୍ବା ଅଧିକ GPLF ପାଇଁ କାମ କରନ୍ତି। ଏମାନେ ଗୋଷ୍ଠୀ ମାନଙ୍କୁ ସମୁଦାୟ ଭାବେ ବା ଏହାର ସଦସ୍ୟ ମାନଙ୍କୁ ବ୍ୟକ୍ତିଗତ ଭାବେ କିଭଳି ବ୍ୟାଙ୍କ ମାନଙ୍କୁ ସହଜରେ ଋଣ ପାଇହେବ ସେ ନେଇ ସାହାୟତା କରିଥାନ୍ତି ।
କୃଷି ମିତ୍ର
କୃଷି ମିତ୍ର
150ଟି ପରିବାର ପାଇଁ ଗୋଟିଏ କୃଷି ମିତ୍ର ରହିବ ଏବଂ ସେହି ଅନୁସାରେ GPLF ଦ୍ୱାରା ନିର୍ଦ୍ଧାରିତ ଗୋଟିଏ କିମ୍ବା ଅଧିକ ଗ୍ରାମ ପାଇଁ କାର୍ଯ୍ୟ କରିବ। ଏମାନେ ଗୋଷ୍ଠୀ ମାନଙ୍କ କୃଷି ସମ୍ବନ୍ଧୀୟ ଜୀବିକା ରେ ମାର୍ଗ ଦର୍ଶନ କରିଥାନ୍ତି ।
ପ୍ରାଣୀ ମିତ୍ର
ପ୍ରାଣୀ ମିତ୍ର
GPLF ଦ୍ୱାରା ନିର୍ଦ୍ଧାରିତ ଗୋଟିଏ କିମ୍ବା ଅଧିକ ଗ୍ରାମ ପାଇଁ କାର୍ଯ୍ୟ କରିବ, ପ୍ରତି GP ପାଇଁ ସର୍ବାଧିକ ଦୁଇଟି ପ୍ରାଣୀ ମିତ୍ର ରହିବେ । ଏମାନେ ଗୋଷ୍ଠୀ ମାନଙ୍କୁ ପ୍ରାଣୀ ପାଳନ ଜୀବୀକା କୁ ଆଧାର କରି ସ୍ୱାବଲମ୍ବୀ ହେବାରେ ସାହାଯ୍ୟ କରିଥାନ୍ତି ।
ବିଭିନ୍ନ ସେବା ପ୍ରଦାନ କରିବା ପାଇଁ, ସମୁଦାୟ ସହାୟତା କର୍ମଚାରୀଙ୍କୁ କାର୍ଯ୍ୟ ସହିତ ସମ୍ବନ୍ଧିତ ନିଶ୍ଚିତ ପରିଶ୍ରମିକ ଏବଂ ଦେୟ ସାଧନା ଉପରେ ଭିତ୍ତି କରିଥିବା ପ୍ରଦର୍ଶନ ଆଧାରିତ ପ୍ରୋତ୍ସାହନ ଦିଆଯାଏ।
ଗ୍ରାମ ପଞ୍ଚାୟତସ୍ତରୀୟ ସଂଘ ଏବଂ ଆଞ୍ଚଳିକ ମଞ୍ଚ କାର୍ଯ୍ୟାଳୟଗୁଡ଼ିକର ପରିଚାଳନା ଏବଂ ରକ୍ଷଣାବେକ୍ଷଣ ପାଇଁ ଷ୍ଟାର୍ଟ-ଅପ୍ ପାଣ୍ଠି / ପ୍ରାରମ୍ଭିକ ରାଶି ଯୋଗାଇ ଦିଆଯାଏ।
ସଦସ୍ୟମାନଙ୍କର ଦକ୍ଷତା ବିକାଶ ସକାଶେ ଆବଶ୍ୟକ ହେଉଥିବା ସମସ୍ତ ଖର୍ଚ୍ଚ GPLF IB/ ଅନୁଷ୍ଠାନବିକାଶ ପାଣ୍ଠି ଦ୍ଵାରା ବହନ କରାଯାଏ ।
- ନିୟମିତ ବୈଠକ
- ନିୟମିତ ସଞ୍ଚୟ
- ନିୟମିତ ଆଭ୍ୟନ୍ତରୀଣ ଋଣ
- ଋଣର ନିୟମିତ ପରିଶୋଧ
- ନିୟମିତ ନଥିପତ୍ର ଲିଖନ ରଖିବା
- ସ୍ୱାସ୍ଥ୍ୟ ଏବଂ ପୁଷ୍ଟି
- ଶିକ୍ଷା
- ପଞ୍ଚାୟତିରାଜ ଓ ପାନୀଯଜଳବିଭାଗ ସହିତ ସମନ୍ୱୟ
- ସରକାରୀ ଯୋଜନା ଅନୁଯାୟୀ ଅଧିକାର ପାଇବା
- ସ୍ଥାୟୀ ଜୀବିକା
ସିବିଓଙ୍କର ଛବିଗୁଡିକ :
OLM ର ଦକ୍ଷତା ବିକାଶ କାର୍ଯ୍ୟକ୍ରମ ଏହାର ଜିଲ୍ଲା ଓ ବ୍ଲକ ସ୍ତରରେ ଥିବା ପ୍ରକଳ୍ପ କର୍ମଚାରୀ (Project staff) , ଗୋଷ୍ଠୀ ଭିତ୍ତିକ କର୍ମଚାରୀ (CSS) ଏବଂ ଗ୍ରାମୀଣ ସମୁଦାୟ, ବିଶେଷକରି ସ୍ୱୟଂ ସହାୟକ ଗୋଷ୍ଠୀ, ଆଞ୍ଚଳିକ ମଞ୍ଚ, ଗ୍ରାମପଞ୍ଚାୟତ ସ୍ତରୀୟ ସଂଘ ଏବଂ ଜୀବିକା ନିର୍ବାହ ପଦକ୍ଷେପରେ ନିୟୋଜିତ ମହିଳାମାନଙ୍କର ଦକ୍ଷତା, ଜ୍ଞାନ ଏବଂ ନେତୃତ୍ୱ କ୍ଷମତାକୁ ସୁଦୃଢ଼ କରିବା ପାଇଁ କରାଯାଇଛି।
ଏହାର ମୁଖ୍ୟ ଉଦ୍ଦେଶ୍ୟଗୁଡ଼ିକ ମଧ୍ୟରେ ଅନ୍ତର୍ଭୁକ୍ତ:
- ଅନୁଷ୍ଠାନ ଯଥା SHG, CLF ଏବଂ GPLF ର କ୍ଷମତା ବୃଦ୍ଧି କରିବା।
- ତୃଣମୂଳ ସ୍ତରରେ କାର୍ଯ୍ୟାନ୍ୱୟନ ପାଇଁ ଗୋଷ୍ଠୀ ଭିତ୍ତିକ କର୍ମଚାରୀ (CSS)ଙ୍କୁ ତାଲିମ ଦେବା।
- ଆର୍ଥିକ ସାକ୍ଷରତା, ଉଦ୍ୟୋଗ ବିକାଶ ଏବଂ ଡିଜିଟାଲ୍ ଅନ୍ତର୍ଭୁକ୍ତିକୁ ପ୍ରୋତ୍ସାହିତ କରିବା।
- ଲିଙ୍ଗଗତ ସମାନତା, ସ୍ୱାସ୍ଥ୍ୟ ଏବଂ ପୁଷ୍ଟିସାର ଭଳି ସାମାଜିକ ପ୍ରସଙ୍ଗ ଉପରେ ସଚେତନତା ସୃଷ୍ଟି କରିବା।
- ସରକାରୀ ଯୋଜନା ଏବଂ ଅଧିକାର ସହିତ ସମନ୍ୱୟକୁ ସହଜ କରିବା।
- ଏହି କାର୍ଯ୍ୟକ୍ରମ ଆବାସିକ ତାଲିମ, ଏବଂ କ୍ଷେତ୍ର ପରିଦର୍ଶନ, ଯାହା ନିରନ୍ତର ଶିକ୍ଷଣ ଏବଂ ବ୍ୟବହାରିକ ପ୍ରୟୋଗ ସୁନିଶ୍ଚିତ କରେ।
ଗୋଷ୍ଠୀ ଭିତ୍ତିକ ଅନୁଷ୍ଠାନ (ସବିଓ) ଗୁଡିକର ଦକ୍ଷତା ବିକାଶ ତାଲିମ
CSS ର ଦକ୍ଷତା ବିକାଶ
କର୍ମଚାରୀଙ୍କ ଦକ୍ଷତା ବିକାଶ
ସ୍ୱୟଂ ସହାୟକ ଗୋଷ୍ଠୀଗୁଡ଼ିକୁ ତାଲିମ:
- SHG ର ଆବଶ୍ୟକତା ଏବଂ ଗୁରୁତ୍ୱ
- SHG ର କାର୍ଯ୍ୟ ଏବଂ ପରିଚାଳନା
- ଗୋଷ୍ଠୀ କାର୍ଯ୍ୟକ୍ଷମ, ଦ୍ୱନ୍ଦ୍ୱ ସମାଧାନ ଏବଂ ନେତୃତ୍ୱ
- SHG ର ନଥିପତ୍ର ପରିଚାଳନା ଏବଂ ଏହାର ରକ୍ଷଣାବେକ୍ଷଣ
- ଆର୍ଥିକ ସାକ୍ଷରତା
- କ୍ଷୁଦ୍ର ବିନିଯୋଗ ଯୋଜନା
କ୍ଲଷ୍ଟର ସ୍ତରୀୟ ଆଞ୍ଚଳିକ ମଞ୍ଚ (CLF) ପାଇଁ ତାଲିମ
- ଆଞ୍ଚଳିକ ମଞ୍ଚର ଧାରଣା ବିଷୟରେ ସମସ୍ତ SHG ସଦସ୍ୟା ଙ୍କୁ ତାଲିମ ଦେବା ।
- କାର୍ଯ୍ୟନିର୍ବାହୀ କମିଟି (EC) ସଦସ୍ୟଙ୍କୁ CLF ପରିଚାଳନା ଏବଂ ଏହାର କାର୍ଯ୍ୟ ବିଷୟରେ ତାଲିମ ।
ଗ୍ରାମ ପଞ୍ଚାୟତ ସ୍ତରୀୟ ଫେଡେରେସନ (GPLF) ପାଇଁ ତାଲିମ
- ସମସ୍ତ ଗ୍ରାମ ପଞ୍ଚାୟତସ୍ତରୀୟ ସଂଘର କାର୍ଯ୍ୟନିର୍ବାହୀ କମିଟି ସଦସ୍ୟା ମାନଙ୍କୁ GPLF ବିଷୟ ରେ ଧାରଣା ଏବଂ ପରିଚାଳନା ତାଲିମ।
- ଆର୍ଥିକ ପରିଚାଳନା ତାଲିମ ।
- ଉପ-ସମିତିଗୁଡ଼ିକୁ ତାଲିମ।
- 5 ଦିନିଆ ମୌଳିକ ତାଲିମ
- ଗୋଷ୍ଠୀ ନିବେଶ ପାଣ୍ଠି (CIF) ଏବଂ ଅଣୁବିନିଯୋଗ ଯୋଜନା (MIP) ଉପରେ 3 ଦିନିଆ ତାଲିମ।
- SHG ନଥିପତ୍ର ରକ୍ଷଣ ଉପରେ 6 ଦିନିଆ ତାଲିମ।
- ୧୨ ଦିନିଆ ତାଲିମ କାର୍ଯ୍ୟକ୍ରମ (୮ ଦିନିଆ ଶ୍ରେଣୀଗୃହ ଏବଂ ୪ ଦିନିଆ କ୍ଷେତ୍ର ପରିଦର୍ଶନ)।
- • ଅଣୁବିନିଯୋଗ ଯୋଜନା ଉପରେ ୩ ଦିନିଆ ତାଲିମ ।
- ନଥିପତ୍ର ରକ୍ଷଣ ଉପରେ ୬ ଦିନିଆ ତାଲିମ ।
- କମ୍ପ୍ୟୁଟର ସାକ୍ଷରତା ଉପରେ ୨୧ ଦିନିଆ ତାଲିମ ।
- ଆର୍ଥିକ ସାକ୍ଷରତା ଏବଂ କ୍ରେଡିଟ୍ ପରାମର୍ଶ ଉପରେ ୮ ଦିନିଆ ମୌଳିକ ତାଲିମ.
- ଦୁଇ ଦିନିଆ ରିଫ୍ରେସର୍ସ ତାଲିମ
- ସେମାନଙ୍କ ସମ୍ପୃକ୍ତ କ୍ଷେତ୍ର ସହ ଜଡିତ ୫ ଦିନିଆ ମୌଳିକ ତାଲିମ।
- ଆବଶ୍ୟକତା ଭିତ୍ତିକ ସ୍ୱତନ୍ତ୍ର ତାଲିମ।
ବ୍ଲକ୍, ଜିଲ୍ଲା ଏବଂ ରାଜ୍ୟସ୍ତରୀୟ କର୍ମଚାରୀଙ୍କ ଦକ୍ଷତା ବିକାଶ
- କର୍ମଚାରୀଙ୍କ ପ୍ରାରମ୍ବିକ ତାଲିମ , ଯୋଗଦାନ ପ୍ରଶିକ୍ଷଣ ଓ କାର୍ଯ୍ୟ ଅନୁଭବ ।
- ସମସ୍ତ ବିଷୟବସ୍ତୁ ତାଲିମ
- ସର୍ବୋତ୍ତମ ଅଭ୍ୟାସ କ୍ଷେତ୍ରଗୁଡ଼ିକୁ ପରିଦର୍ଶନ।
- ନିରନ୍ତର ଶିକ୍ଷା ପାଇଁ ପ୍ରାଦ୍ୟୋଗିକ ତାଲିମ ।
ଆନୁଷ୍ଠାନିକ/ ଗୋଷ୍ଠି ଭିତ୍ତିକ ଅର୍ଥ ବ୍ୟବସ୍ଥା
ଆନୁଷ୍ଠାନିକ/ ଗୋଷ୍ଠି ଭିତ୍ତିକ ଅର୍ଥ ବ୍ୟବସ୍ଥା ଅଧୀନରେ, ସ୍ୱୟଂ ସହାୟକ ଗୋଷ୍ଠୀ (SHG), ଆଞ୍ଚଳିକ ମଞ୍ଚ (CLF) ଏବଂ ସେମାନଙ୍କର ଫେଡେରେସନଗୁଡ଼ିକୁ (GPLF) ବିଭିନ୍ନ ପ୍ରକାରର ପାଣ୍ଠି ଯୋଗାଇ ଦିଆଯାଏ, ଯାହାର ଲକ୍ଷ୍ୟ ସାମାଜିକ-ଆର୍ଥିକ ଅବସ୍ଥା ଏବଂ ଉତ୍ପାଦନ କ୍ଷମତା ବୃଦ୍ଧି କରିବା। ଏହି ବ୍ୟବସ୍ଥାକୁ ତିନୋଟି ପ୍ରମୁଖ ପାଣ୍ଠି ମାଧ୍ୟମରେ ସୁଦୃଢ଼ କରାଯାଏ: ଆବର୍ତ୍ତନ ପାଣ୍ଠି (RF), ନିରାପତ୍ତା ପାଣ୍ଠି (VRF), ଏବଂ ଗୋଷ୍ଠି ବିନିଯୋଗ ପାଣ୍ଠି (CIF) ।
ଆବର୍ତ୍ତନ ପାଣ୍ଠି
ସ୍ୱୟଂ ସହାୟକ ଗୋଷ୍ଠୀଗୁଡ଼ିକୁ ସେମାନଙ୍କର ପ୍ରାରମ୍ଭିକ ବ୍ୟବହାର ଏବଂ ଉତ୍ପାଦନ ଆବଶ୍ୟକତା ପୂରଣ କରିବା ପାଇଁ ଆବର୍ତ୍ତନ ପାଣ୍ଠି ପ୍ରଦାନ କରାଯାଏ। ଏହା ସ୍ୱୟଂ ସହାୟକ ଗୋଷ୍ଠୀକୁ ଅନୁଦାନ ଏବଂ ସଦସ୍ୟମାନଙ୍କୁ ଋଣ ଆକାରରେ ମିଳିଥାଏ । RF ଅଧୀନରେ ପାଣ୍ଠିର ପରିମାଣକୁ ୧୫,୦୦୦/- ଟଙ୍କାରୁ ୩୦,୦୦୦/- ଟଙ୍କାକୁ ବୃଦ୍ଧି କରାଯାଇଛି ।
ନିରାପତ୍ତା ପାଣ୍ଠି
ନିରାପତ୍ତା ପାଣ୍ଠି (VRF) ହେଉଛି କ୍ଲଷ୍ଟର ସ୍ତରୀୟ ଫୋରମ ବା ଆଞ୍ଚଳିକ ମଞ୍ଚ (CLF) ର ସଦସ୍ୟା ମାନଙ୍କୁ ଖାଦ୍ୟ ସୁରକ୍ଷା, ସ୍ୱାସ୍ଥ୍ୟ ସମ୍ବନ୍ଧୀୟ, ଶିକ୍ଷା, ପ୍ରାକୃତିକ ବିପର୍ଯ୍ୟୟ ଏବଂ ଅନ୍ୟାନ୍ୟ ଜରୁରୀକାଳୀନ ପରିସ୍ଥିତି ଭଳି ନିର୍ଦ୍ଦିଷ୍ଟ ବିପଦକୁ ସମ୍ମୁଖୀନ ହେବା ପାଇଁ ପ୍ରଦାନ କରାଯାଇଥିବା ଏକ ଅନୁଦାନ। ଏହି ପାଣ୍ଠି ଅଧୀନରେ ପ୍ରତ୍ୟେକ CLF 1.5 ଲକ୍ଷ ଟଙ୍କା ପାଏ ।
ଗୋଷ୍ଠି ବିନିଯୋଗ ପାଣ୍ଠି (CIF)
ଗ୍ରାମ ପଞ୍ଚାୟତ ସ୍ତରୀୟ ଫେଡେରେସନ (GPLF) କୁ ଏକ ଅନୁଦାନ ଭାବରେ ଗୋଷ୍ଠି ବିନିଯୋଗ ପାଣ୍ଠି (CIF) ପ୍ରଦାନ କରାଯାଏ, ଯାହା ପ୍ରତ୍ୟେକ SHG ଦ୍ୱାରା ପ୍ରସ୍ତୁତ କ୍ଷୁଦ୍ର ବିନିଯୋଗ ଯୋଜନା (MIP) ଉପରେ ଆଧାରିତ ସ୍ୱୟଂ ସହାୟକ ଗୋଷ୍ଠୀ (SHG) କୁ ଋଣ ଭାବରେ ପ୍ରଦାନ କରିଥାଏ । ପ୍ରତି GPLFକୁ CIF ର ପରିମାଣ ୩୫ ଲକ୍ଷ ଟଙ୍କାରୁ ୬୦ ଲକ୍ଷ ଟଙ୍କାକୁ ବୃଦ୍ଧି କରାଯାଇଛି।
ମଡେଲ ଜିପିଏଲ୍ଏଫ୍
ମଡେଲ GPLF ସରକାରୀ ଯୋଜନା ସହିତ ସମନ୍ୱୟ ମାଧ୍ୟମରେ ସାମାଜିକ, ଆର୍ଥିକ ଏବଂ ଅର୍ଥନୈତିକ ଅନ୍ତର୍ଭୁକ୍ତିକୁ କରାଇ GPLF କୁ ଏକ ଆତ୍ମନିର୍ଭରଶୀଳ, ଗୋଷ୍ଠୀ ମାଲିକାନା ଏବଂ ଗୋଷ୍ଠୀ ପରିଚାଳିତ ଅନୁଷ୍ଠାନ କରିବା। M- GPLF ଅଧୀନରେ ନିମ୍ନଲିଖିତ ହସ୍ତକ୍ଷେପ ଗୁଡ଼ିକ ଗ୍ରହଣ କରାଯାଇଛି।
GPLFର ସ୍ବପ୍ନ ।
ଏଏପି ଓ ବିଡିପି ପ୍ରସ୍ତୁତି
ଭି. ଜି. ଏଫ
ଗୋଷ୍ଠୀ ପରିଚାଳିତ ତାଲିମ କେନ୍ଦ୍ର
ମଡେଲ୍ GPLFରେ ଇମ୍ମେର୍ଶନ କ୍ଷେତ୍ର
Title
Title
Modal Title
ଅନୁଷ୍ଠାନ ବିକାଶ